Scholarships in the USA

   ثمانية منح دراسية في أمريكا مخصصة للدول النامية و نسب القبول بها عالية 

كل الناس تجمع علي اهمية الدراسة في الخارج و دور المنح في تغيير حياة الاشخاص للأحسن...

بس في ناس كتيير فقدت الامل في موضوع المنح ده لان ناس كتيير بتقدم و محدش بيتقبل.... بس ده مش حقيقي لان أولا مفيش ناس كتيير بتقدم  و لا حاجة ... و حتي اللي بيقدم كتيير منهم مش بيخلص ملفاته اصلا... و القلة القلية اللي قدمت مقدمتش كفاية ... يعني مقدموش مرة و اتنين و 10....

عن تجربتي الشخصية - كل الفرص اللي قدمت عليها بتقبل فيها بنسبة 30% يعني بقدم مثلا علي 6 حاجات بيجيلي منها 2 و في الاخر بختار 1 عشان الوقت أو عشان التعارض..... الموضوع فعلا صعب جدا بس يستحق محاولة و اتنين و أكثر و بيتطلب مهارات بسيطة في البداية زي ايجاد اللغة و البحث عبر جوجل.

​

في الحلقة ديه أنا ركزت علي منح أمريكا بس لان أمريكا التعليم فيها قوي و غالي اصلا علي الامريكان نفسهم... بس أمريكا بتهتم بنشر ثقافتها و البحث عن كفاءات من كل مكان في العالم ... 

في حلقات اخري هتكلم عن منح في بلاد اخري فيها التعليم قوي جدا زي أنجلترا و هولندا....

أو بلاد تانية فيها الحياة رخيصة و التعليم مناسب بس فرص القبول فيه قوية زي مثلا تركيا.....

أو بلاد تانية من اقتراحتكم
الحلقة ديه قدمت فيها 7 منح دراسية سنوية هدفهم تشجيع و دعم طلاب الدول النامية (ان اجاز التعبير) للدراسة في الولايات المتحدة الأمريكية. البرامج  ديه أنا أختارتها علي حسب نسبة القبول فيها, و جودتها و شهرتها  ....

معظم المنح ديه فيها فرص كتيرة جدا و معظمها ممول بالكامل.

​

​المنح معظمها عبارة عن دعم و تشجيع للطلاب المتوفقين في تنمية بلادهم. في منها للناس التي تريد أن تبدأ الدراسة الجامعة و منها للدراسات العليا أو الماجستير أو الدكتوراه و منها الذي يقدم لجميع الفئات. معظم المنح المختارة تختار الطلاب بناء علي التفوق الأكاديمي و/أو علي اثبات عدم القدرة المالية. المنح مختلفة و فيها المناسب و الانسب

​

.......................................................

شاهد الفديو المنح من هنا

​

​

​

​

​

​

​

​

​

​

​

​

​

....................................

​

اول منحتين هم من تمويل الحكومة الأمريكية نفسها و دول

fullbright  و Hubert Humphrey

​

1. منحة فولبرايت للطلاب الدوليين للدراسة في الولايات المتحدة

Fullbright Scholarship for International Students to Study in the US

​

منحة كاملة - ديه لكل الدول و اللي من ضمنهم مصر طبعا- تُمنح بناءً على الجدارة والتحصيل الدراسي - بتقدم 40 الف منحة سنوية - مفتوحة لكل المجالات ما عدا الطب - مواعيد التقديم عادةً بتكون من فبراير إلى أكتوبر بس امتي تحديدا يختلف شوية كل سنة و من بلد لبلد -  المنحة ديه للمتخرجين فقط – و اللي من خلالها دراسات عليا أو بحث أو دكتوراه أو حتي برامج قصيرة - المنحة ديه في ناس كتيير أعرفها اتقبلت فيها - بس هي بتحتاج ورق و مجهود كبير

- نسبة القبول فيها عالية جدا و ليها تمويل كبير جاد - انتهاء مواعيد التقديم بتختلف من بلد لبلد و من منحة لمنحة

- الموقع:

https://foreign.fulbrightonline.org/about/foreign-fulbright

- الموقع المخصص لمصر:

https://fulbright-egypt.org/programs-for-egyptians/

​

.............................

​

2. برنامج زمالة هوبرت هامفري

Hubert Humphrey: Hubert Humphrey Fellowship Program

 

 و ده مختلف عن المنح العامة لانه يعتبر منحة دراسية لغير الدرجات العلمية للمهنيين الدوليين ذوي الخبرة الذين يرغبون في إجراء 10 أشهر من الدراسة الأكاديمية في الولايات المتحدة.

البرنامج يعطي فرصة للزملاء لتبادل المعلومات و الخبرات مع نظرائهم الأمريكيين و مع اخرون من جميع أنحاء العالم. من خلال مؤتمرات واجتماعات اوندوات و ورش العمل المشتركون يناقشوا وجهات نظرهم عن قضايا عالمية. و يمكن في خلال فترتك هناك ان تدرس بجانب الزمالة لو في وقت و

 

منحة غير كاملة: بتوفرلك كل حاجة فيما عدا الاقامة -  فيها مجالات كتيير من ضمنها القانون و التعليم و البنوك - و ديه للناس اللي معاهم درجة البكالوريوس و ما لا يقل عن خمس سنوات من الخبرة المهنية بدوام كامل

- الموقع: https://www.humphreyfellowship.org/

 

……………………………………

 

منح خاصة

3. منح بيركلي الدولية للطلاب:

Berkeley College International Student Scholarships

 

- منحة كاملة - كل الدول - تُمنح بناءً على الجدارة والتحصيل الدراسي والحاجة المالية - انتهاء مواعيد التقديم للمنحة هي نفس مواعيد الانتهاء من التقديم علي دراسة (يعني بتقدم علي الدراسة عادي و بتشيير أنك كمان عاييز المنحة) - مفتوحة لكل المجالات

 

- الموقع:

https://www.iefa.org/scholarships/2849/Berkeley_College_International_Student_Scholarship

......................

4. منح جامعة كلارك للطلاب الدوليين

Clark University Scholarships for International Students

 

منحة غير كاملة  - ديه لكل الدول و فيها منح مختلفة جوا - تُمنح بناءً على الجدارة والتحصيل الدراسي – الماليات أو الاحتياج المالي ملهمش علاقة لانك بتدفع جزء من المصارييف - بتقدم عدد كبير جدا من المنح - مفتوحة لكل المجالات - مواعيد التقدم بتختلف من منحة لمنحة بس المعظم في وقت أغسطس فيما بعد – و ديه للطلبة اللي عايزه تبدأ في دراسة جامعية يعني لو هتقدم فيها قدم و أنت في ثانوية

نسبة القبول فيها: قوية جدا
الموقع:

https://www.clarku.edu/offices/financial-aid/prospective-students/international-students/first-year-scholarships/

​.......................

​

5. منح الدراسات العليا للطلاب الدوليين في تكساس

postgraduate Scholarships for International Students In Texas, USA:

​

منحة غير كاملة  - ديه لكل الدول - تُمنح بناءً على الجدارة والتحصيل الدراسي – الماليات أو الاحتياج المالي ملهمش علاقة لانك بتدفع جزء من المصارييف - مفتوحة لكل المجالات - مواعيد التقديم بتنتهي في 15 يونية أو 15 نوفمبر– منحة للطلبة الغير مهاجرين -  للدراسة في جامعة هيوستن -فيكتوريا (UHV) في فيكتوريا ، تكساس

 

الموقع

https://www.uhv.edu/international/scholarships/merit/

..............................

​

6. منحة جامعة كنت ستيت الدولية للطلاب الوافدين

Kent State University International Scholarship For Incoming Students, USA:

 

منحة كاملة  - ديه لكل الدول - تُمنح بناءً على الجدارة والتحصيل الدراسي والحاجة المالية –- بتقدم عدد كبير جدا من المنح - مفتوحة لكل المجالات  اللي بتقدمها الجامعة و كلها متعلقة بالعلوم - و ديه للطلبة اللي عايزه تبدأ في دراسة جامعية يعني لو هتقدم فيها قدم و أنت في ثانوية  - الموعد النهائي لتقديم الطلبات هو عادة منتصف شهر فبراير

​

​

​

​

​

 

​

​​​الموقع

https://www.kent.edu/globaleducation/international-freshman-scholarship

 

...............................

7. برنامج الآغا خان الدولي للمنح الدراسية

Aga Khan Foundation International Scholarship Programme

 

منحة غير كاملة: نص منحة و نص قرض – مفتوحة لكل طلاب الدول الافريقية من ضمنهم مصر – كل المجالات - تُمنح بناءً على الجدارة والتحصيل الدراسي والاحتياج المالي –  للحصول علي الدراسات العليا و ممكن الدكتوراه  - الموعد النهائي لتقديم الطلبات هو عادة منتصف شهر مارس

 

الموقع

https://www.akdn.org/our-agencies/aga-khan-foundation/international-scholarship-programme

 

................................

عليك بتحديد وقت يومي أو أسبوعي ثابت للتقديم علي منح... أجعل منها هواية.... و فعلا أكتسب مهارة التقديم و أي حاجة متعرفهاش ابحث عنها... كل مرة تقدم هتبقي أحسن يعني فرصتك هتزيد

​

​

​

​

 

​

​عايز أفكركم في النهاية أن القناة ديه أصلا جزء كبير منها هو استثمار ارباحها من يوتيوب و فيس بوك في تقديم منح للطلاب العرب بما فيهم المصريين للدراسة الجامعية في مصر ... و مع الوقت للطلاب العرب كلهم للدراسة في الخارج تابع لو عايز تعرف تفاصيل عن المنح:

https://www.thelegalist.net/scholarships

​

  ... و لو عايز تساهم: اشترك علي القناة في اليوتيوب و دوس لايك لو عجبك المحتوي و شارك .... كل ده هيدعم استمرارية المحتوي العلمي المجاني و هيدعم تقديم المنح في وقت اسرع و بشكل اكبر

اشترك من هنا:

https://www.youtube.com/channel/UCPR0PzG4jBj3M6ZfeHQ0yug?sub_confirmation=1

 

 

 

 

....